無線為了開源節流，近日採取裁員行動，效力無線逾十年的梁思浩日前接到通知，不獲續約。他昨日召開記者會，表示自己曾為無線在節目中扮豬扮狗，但最終公司還是放棄他，梁思浩直指炒他的人無情無義。
無線為了開源節流，近日進行架構重整，除裁減部份員工外，對不少藝員亦實施「一年一騷」制。甘草演員如羅蘭、胡楓，以及余文詩和朱健鈞等均未能幸免。無線上星期起已陸續向員工派大信封，就連在資訊文教科服務三十二年、曾演《林亞珍》一劇的楊又祥亦被辭退。

做得開心

「要搵錢都唔o係TVB」

雖然大部份藝員均在不情願的情況下接受「一年一騷」，但服務無線十多年的梁思浩竟連「一年一騷」的合約也無份，令他大感不是味兒。

梁思浩昨日於九龍灣召開記者會，他表示為無線效力多年，即使貼錢做騷亦沒有所謂，更自覺與無線談心多於講金，無奈最後卻換來大信封。梁思浩說：「我上個星期睇報紙先知俾TVB解僱o左，我當時覺得好愕然，我今日只係想將事實講出。其實兩年前我已經同TVB簽一年一個騷，我都唔緊要，佢當時話同公司共度時艱，又冇醫療、冇強積金、冇保險，我都唔介意，講真要搵錢都唔會TVB喇！我好開心o係TVB工作，我愛TVBo既程度可以放低錢o黎講，最慘係扮豬扮狗佢o地都唔要我。」



懵然不知

「我係吊緊頸o既壽星公」

梁思浩從報道中得知被解僱一事，更親自致電無線藝員分部助理總監樂易玲，他說：「佢都話我冇做錯o野，更加唔係公司o既負擔，佢話兩個月之前已經通知o左我寄o左信畀我，點解我會o依家先知？可能我之前搬o左屋冇通知TVB，我都係之前返舊屋先收到封信。講真我年初一重o係團拜扮壽星公，上星期重幫無線拍o野，原來我o個時已經係吊緊頸o既壽星公。佢重同我講話我o係戲劇組，查番我紀錄，至知好多年冇拍劇。

「我覺得樂小姐你點做電視？我十五年前先o係戲劇組o既，佢又話公司o係揀人o既時候，覺得我出面有人要，唔擔心冇o野做。我做live show都超過一萬小時，但係佢睇電視都唔知夠唔夠一萬小時。」

自言購入了十萬元以上電視廣播（無線）股票的思浩，直指無線今次做法令股民十分失望。對於有報道指無線此行動乃邵逸夫的太太方逸華幕後主導，思浩說：「未經證實o既o野我唔方便去講，我只係就我o既個案去講，唔可以代表其他人。講真我做一個大騷都唔夠三千蚊，絕對唔係TVB支出o既壓力，即使扮豬扮狗我幾時say no？我一直都冇怨言，唔通要我睡袋o係TVB門口，有o野做就叫我入去呀？咁我又唔會。我只係覺炒人o個個好無情無義，如果兩年前早知簽一年一騷o既後果係咁，我會覺得好後悔。」



今晚開會

與立法會議員商對策

此外，昨日有報道指無將會裁員四百人，無線總經理何定鈞昨晚在將軍澳電視廣播城否認有關報道，他說：「邊度裁四百人咁多，可以裁到四百人o既話，第一個係裁我自己，o依家只係o係節流方纟羰郑壳斑碇脝T數目。」何定鈞更強?#123;裁員並非方逸華的決定，是整個管理階層開會後的決定。

對於梁思浩被裁而開記招，指高層樂易玲居然不知他屬綜藝科，何定鈞表示梁思浩被裁是製作部意思，他說：「唔知個原因係點，係製作部o既取捨，我同佢距離重遠，更加唔知。」至於今晚TVB職員協會與立法會議員李卓人商討未來對策，他說：「唔會阻止，亦都干涉唔到，亦唔清楚人事部會唔會派人出席。」